Sesión Especial - Diana Gonçalves

Este martes 6 retomamos as proxeccións e teremos unha proxección moi especial na que mostraremos unha parte da obra de Diana Gonçalves, directora tudense, que ao longo da súa carreira a fronteira con Portugal foi pura inspiración para as súas historias. 
Obras documentais con forte presenza de mulleres protagonistas que nos ensinan as súas vivencias. Será a primeira vez que se proxecten estas tres películas xuntas, ademais de que tamén será a primeira vez que se proxecte en Tui o seu último proxecto, Resonancias, antes de que continúe o seu camiño por festivais, cineclubes e outros espazo culturais. Contaremos ca presenza da propia Diana para un coloquio posterior no que falaremos da súa obra.

-Mulleres da raia (2009). 42 minutos
      
Unha viaxe ás fronteiras setentrionais de Portugal e Galicia lévanos de volta ao noso pasado máis recente. O contrabando local e a emigración clandestina eran prácticas habituais nestas terras, aproveitando a proximidade do país veciño. Durante os tempos de represión, con ambos os países baixo réximes ditatoriais, un gran número de portugueses emigrou a Francia cruzando as dúas fronteiras ilegalmente. As mulleres quedaron encargadas de coidar a terra e criar os seus fillos. O contrabando local era outro medio para escapar da pobreza, polo que un exército de mulleres cruzaba a fronteira todos os días para mercar e vender bens esenciais, debido á diferenza de prezos. Este comercio entre as vilas fronteirizas do Miño creou fortes lazos de amizade e forxou unha historia compartida. A fronteira, como se coñece popularmente á raia, garda unha historia de loita diaria pola supervivencia, e as súas mulleres son protagonistas.

- Retrato paisaxe (2011). 9 minutos

Esta é a terceira curtametraxe da serie de retratos filmados que lle dediquei a Palmira, veciña de Tui (que xa fora unha das protagonistas de Mulleres da Raia). Anos despois, recuperei o material gravado durante as cinco edicións do obradoiro en Playdoc e converteuse na mediometraxe: Palmira (2017).
O Retrato de paisaxe, a metade do obradoiro, foi un momento delicado. Palmira faleceu aos 109 anos e quedei sen ela ao outro lado da cámara. Como seguir facendo ese retrato?
Albertino Gonçalves (Universidade do Minho) escribe no seu blog: https://margens.blog/?s=palmira 
https://play-doc.com/_oldfestival/web2013/gl/o-retrato-filmado.html

- RESONANCIAS (2025). 13 minutos

Como podes facer que un lugar non che pareza estraño ou indiferente? A directora achégase a San Sadurniño (Galicia) buscando elementos familiares para superar o seu sentimento de estrañeza, un fío do que tirar. O filme convértese así nunha exploración máis persoal do universo nunha aldea estranxeira, feita por unha cineasta da fronteira, que non cede no seu intento de achegar Galicia e Portugal.

Haberá dúas sesión (ambas con coloquio) unha ás 18:30h e outra ás 20:45h

A proxección será en versión orixinal, en Galego e Portugués.

A entrada será de 2€ para persoas socias e de 4,50€ para o público xeral.